Svenja
Hey zäme!
Ich bin d Svenja, Jahrgang 1996 und bin in z Winkel ufgwachse. Mitlerwiele wonn ich in Bülach.
Ich schaffe momentan als Primarlehrerin in Rümlang. Obwohl ich det scho de ganz Tag um Chind ume bin, gahn ich sehr gern is JUSPO go hälfe leite.
Mier machts extrem Freud, de Chind uf spielerischi Art verschiedeni sportlichi Aktivitäte nöcher z bringe.
Wenn ich nöd i de Turnhalle bin oder öpis fürd Schuel mache muen, findet mer mich wahrschinlich im Stall bi mim Pflägross, mit Kolege unterwägs oder dihei öpis am bastle.